اعلانات التوظيف بالقطاع الخاص

إلى كل من يبحث عن مراحل الشفوي بالنسبة للشرطة



استعرض الموضوع السابق استعرض الموضوع التالي اذهب الى الأسفل

إلى كل من يبحث عن مراحل الشفوي بالنسبة للشرطة

مُساهمة من طرف Saleh hunter في الجمعة 08 يناير 2016, 02:29



السلام عليكم ورحمة الله وبركاته
موضوع منقول

المرحلة الثانية

كايوصل يوم الشفوي
كاتكون جمعتي جميع الوثائق المطلوبة و لباس الرياضة
يا تمشي لابسوا يا تديه فشي شكارة كاين فين تبدل
المهم الساعة السابعة صباحا خاصك تكون فالباب
فبوقنادل كاتدخل لواحد المكتب فالباب كاتلقا بوليسي كاتعطيه ورقة الاستدعاء و البطاقة الوطنية
كايبقى يقلب فواحد اللائحة عندوا كايلقا سميتك كايعطيك رقمك يا تحفظوا يا تايكتبوا لك فورقة الاستدعاء من الوراء
كاتدخل تا كاتوصل ديك 7 و النصف كايجي بوليسي اخر كايبقى يعيط بالاسماء و انت خاصك تجاوب بحاضر كايقولك دوز هنا زعما من موراه حيت كايكون مقابل معك
كايسالي كايقولك ديروا 2-2
كاتمشيو لواحد القسم كايقولكم دخلوا هنا و ريحوا بلا صداع
كايجي متدرب كايبقى معاكم
شوية كايجيو يعيطوا ليكم
تاتمشيو حدا واحد القاعة كادخلوا للمراح و كاينين غرف
تا يقولولكم حيدوا ملابسكم كلها بقاو باللباس الداخلي ( السليب )
البنات الله أعلم
كاتدخل عند الطبيب و معه ممرضين
كايدخل خمسة بخمسة
كاتجي نوبتك كايعبروا لك الوزن
كايقولك سير لهيه مور لكرسي و هز ديك الخشبة غطي ديك العين و كايقولك شنو هادي شنو هادي
و من بعد كايقولك غطي العين الاخرى و نفس العملية
تا تسالي كايقولك دوز قرا لينا فديك المجلة باش يشوفوا النطق ديالك لا تكون تمتام .
كاتخرج من عندهم كاتدخل عند طبيب و لا طبيبة كاتدخل معك وراق التحاليل و التخطيط كاتشوفهم و تقدر تسولك واش مامريضش ما كاتكل تا دوا
و ممكن تقولك تمشى
من بعد كاتدخل لغرفة اخرى كايقلبوا لا تكون فيك شي ضربة فلحمك و تا تسولك سميك كنيتك باك سميتوا امك و تاتخرج
تا يقولوا لك لبس حوايجك كايرجعوك للغرفة
تا تجلس شوية كايجيو كايقولولك لبس حوايج الجري
و هبط للساحة
كاتهبط تايجريو عشرة بعشرة
مسافة 1500 متر في اقل من 7 دقائق
البنات يمكن 600 متر في اقل من 5 دقائق
منين تاتسالي كاترجع للقسم
كايجيو عندك منين يسالي كولشي كايقولولك 10. دراهم اللي ايتغدا هنا
كولشي كايتغدا تما
منين تا تسالي تا ترجع للقسم
كايجي عندكم بوليسي سيفيل
كايفرق عليكم كتاب يمكن فيه شي 20 صفحة لا بقيت عاقل
كايشرح لك و كايقولك تا حد مايدير فيها فاهم و يبدا يعمر
كتاب فيه سميك كنيتك سنك
سميت باك مك خوتك خوالك عمامك ولادهم
و اش تايديروا
واش منتمي لشي حزب
عندك شي فلوس
عندك شي طوموبيل دار
اقرب صحابك سميتهم و اش تايديروا
المهم تاتسالي كاتبقى فالقسم
تا يخرجوكم تاتمشي تدير صف واحد مور واحد
كاتدخل عند واحد اللجنة سيفيل
كايسولوك سميتك سميت باك و اش تايدير و لاش بغيتي لبوليس بالضبط و من تجربتي انا هاد الاسئلة طرحوها عليا بالضحك و التقشاب
المهم كاتبقى آخر مرحلة
هي اللجنة الأخيرة
اللي يا اما تقيد لك مقبول او غير مقبول
و هي قدامها تقرير على المراحل كاملة اللي دزتي منها
كاتدخلوا واحد بواحد
الاغلبية كايتطرح عليهم نفس السؤال
اش كايدير باك ؟
و تا تخرج و تا تمشي بحالك سالا الشفوي .
-
مرحلة البسيكو ( Psycho )
-
تعتبر مرحلة البسيكو ( Psycho ) مرحلة هامة بالنسبة للمترشحين ... هذه المرحلة تندرجة ضمن الفحص الطبي و تتم فيه الملاحظة النفسية المتعلقة بشخصية المترشح و كذالك البدنية ..
الشق النفسي : عند ولوجك غرفة الطب النفسي تجد شخصين بانتظارك يسألونك عن إسمك و عدد أفراد أسرتك و عمل والديك .. كذالك كذالك أسئلة شخصية تتعلق بحياتك الشخصية ( هل تدخن تستعمل المخدرات أو أقراص الأعصاب ) علاقتك بمحيطك الخارجي أصدقائك و صديقاتك بعض الأحيان علاقاتك الحميمية .. هل متزوج عندك أطفال أين تشتغل .. شواهدك و غيرها من الأسئلة العادية و البسيطة ..
الشق البدني : من الممكن أن يفحصوا لك يديك و ساعدك إن كانت به جروح جراء إستعمالك ﻷدوات حادة عن عمد .. و كذالك إن كان بساعدك علامات تشير إلی إستعمالك لحقن التخدير و كذالك تتم ملاحظة لون جفونك إن كانت معتمة جراء التخذير أو قلة النوم ...

Saleh hunter

المشاركات : 136

نقاط : 8847
الجنس : ذكر
المدينة : Nador
العمر : 23
العمل/الترفيه : BCIJ
التسجيل : 20/09/2014

الرجوع الى أعلى الصفحة اذهب الى الأسفل

رد: إلى كل من يبحث عن مراحل الشفوي بالنسبة للشرطة

مُساهمة من طرف Dzéo في السبت 09 يناير 2016, 23:49


يا أخي هل هناك يومين كما يقال

Dzéo

المشاركات : 5

نقاط : 4145
الجنس : ذكر
المدينة : marrakech
العمر : 26
التسجيل : 21/10/2015

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى